武荖坑大石鼓，阿兼城媠查某
隘丁城曝魚脯，鴨母寮仔曝菜脯
報導人：陳添財
【説明】
以前武荖坑内底有一粒石頭，真大粒，所以講「武荖坑大石鼓」。「阿兼城媠查某」，是講日本統治臺灣屬民，攏派「公工」，做無錢的。以前阿兼城人去太平山種杉仔、種樟仔，攏是用調的，去服務攏無錢。阿兼城的人攏穿藍色的裙、穿白衫仔，一個團體幾十個人，日本人來看，講全省無人比這班較媠、較較整齊、較打拼。日本人去視察，轉去總督府，就講：「我去武荖坑，看著大石鼓，也有看著阿兼城的媠查某。」這類由押韻句湊成，用以表現各地「特產」的俗語很多，可長可短，這一句可以只說「武荖坑大石鼓」或「阿兼城媠查某」，更長的可串成「武荖坑大石鼓，阿兼城媠查某，隘丁城曝魚脯，鴨母寮仔曝菜脯」。